ཁྲི་ལྡེ་གཙུག་བརྟན།
༧༥༽ སྤས་རྒོད་གདོང་ཅན་གྱིས། མཆོག་དཀར་གཞུ་མོའི་རྒྱུད་ལ་རྒོད་སྒྲོའི་ཉག་ཕྲན་འཕུར་ཤེས་མ་ཞིག་སྦྱར་ནས་འཕངས་པས་སུ་ཞིག་གིས་ཀྱང་མདའ་མོ་དེ་གར་འཕུར་གར་ལྷུང་མིག་གིས་མ་ཟིན་པར་བར་སྣང་ལ་ཅེར་ནས་ལུས།
༧༦༽ དེ་ལྟར་རྩལ་བོ་ཆེ་མི་བདུན་སོགས་ཀྱིས་དྲག་པོའི་སྒྱུ་རྩལ་འགྲན་ཟླ་བྲལ་བར་བཙན་པོ་ཐུགས་རབ་ཏུ་དགྱེས་ཏེ། དཔའ་དར་དང་དམག་དཔོན་གྱི་གོ་གནས་ཀྱང་གནང༌།
༧༧༽ རྒྱལ་སྟོན་མཇུག་འགྲིལ་མ་ཐག བཙན་བྲོད་ཀྱིས་བཏང་བའི་ཚོང་པ་བརྫུས་མ་ཞིག་གིས་རྒྱ་ཇ་མེ་ཏོག་ཡོངས་འཛིན་ཡིན་ཟེར་བའི་ཇ་ཞིམ་ཞིག་དང་དཀར་ཡོལ་འབྲུག་མ་ཞིག་རྒྱལ་པོར་མཇལ་རྟེན་དུ་ཕུལ།
༧༨༽ བཙན་པོས་གསོལ་ཇ་དེ་བཞེས་པས་ག་ལེར་གཟེར་ནད་དྲག་པོ་ཞིག་གིས་བཏབ་ནས་རིམ་པས་ཉལ་སར་ལྷུང་ཞིང་ལོ་དེའི་དགུན་མཇུག་ལ་སྐུ་གཤེགས། བཙན་པོའི་ཨ་ཕྱི་ཁྲི་མ་ལོད་ཀྱིས་སྲིད་འགན་བཞེས།
༧༩༽ ཤིང་སྦྲུལ་(ཕྱི་ལོ་༧༠༥)ལོར། ཨ་ཕྱི་ཁྲི་མ་ལོད་ཀྱིས་བློན་ཆེན་ཞང་བཙན་ཏོ་ཐང་གོང་མའི་ཕོ་བྲང་དུ་ཕོ་ཉར་བཏང༌། ཐང་ཀྲུང་ཙུང་གིས་བོད་ཀྱི་བཙན་པོ་སྐུ་གཤེགས་པའི་སྐྱོ་གནས་གསན་ནས་མྱ་ངན་ཞུས།
For the audio files